martes, 25 de octubre de 2022

 

CONCURSO DE MICRORRELATOS DE TERROR





BASES DA CONVOCATORIA

Concurso de microrrelatos de “Halloween e Samaín no CIFP As Mercedes” no 2022

Con motivo da celebración do Halloween e o Samaín no CIFP As Mercedes este curso 2022-2023, A Biblioteca do CIFP As Mercedes, o Equipo de Dinamización de lingua galega e o Departamento de Inglés convocan un concurso de microrrelatos no que rexerán as seguintes bases:

1.Temática: Os textos que se presenten terán como tema o Halloween, o Samaín ou ser un microrrelato de terror.

2.Orixinais: Os microrrelatos presentados deberán ser orixinais e inéditos, non deberán ter sido premiados previamente nin deben ser presentados de forma simultánea a outros certames. Cada concursante, que será alumno ou alumna do CIFP as Mercedes durante o curso 2022-2023, pode presentar un único microrrelato a cada categoría.

3.Categorías: Establécense dúas categorías de participación. Unha de microrrelatos en galego e outra de microrrelatos en inglés.

4.Extensión: Os microrrelatos terán unha extensión máxima de 200 palabras.

5.Presentación: Os textos serán orixinais e inéditos e enviaranse, cun Título, o nome do autor ou da autora e o ciclo, curso e grupo que corresponda coa matrícula do alumno ou da alumna, por correo electrónico á seguinte dirección: biblioteca@cifpasmercedes.org. No asunto do e-mail deberá constar: “Concurso de microrrelatos de Halloween” ou “Concurso de microrrelatos de Samaín”.

6.Prazo: O prazo de presentación dos microrrelatos comezará o 19 de outubro de 2022 e rematará o 28 de outubro de 2022.

7.Premios: Haberá un primeiro e segundo premio en microrrelatos en galego e un primeiro e segundo premio en microrrelatos en inglés.

8.Dereitos: A biblioteca terá dereito a reproducir, publicar e difundir os microrrelatos gañadores. As autoras e os autores autorizan a difundir os seus textos na web e nas redes sociais do centro e da Biblioteca do instituto.

9.Xurado: estará composto por membros do equipo da Biblioteca, do equipo de dinamización da lingua galega e do departamento de inglés do CIFP As Mercedes.

10.Criterios: A valoración basearase na orixinalidade, creatividade, calidade literaria e adecuación á temática do concurso.

11.Fallo: O fallo do xurado farase público o día 3 de novembro de 2022, publicándose no Blog e no Instagram da Biblioteca do CIFP As Mercedes.

12.A participación no concurso supón a aceptación destas bases e o incumprimento das mesmas ou dalgunha das súas partes dará lugar á exclusión do concurso.

jueves, 21 de abril de 2022

Lectura compartida. 1ºCM de instalacións frigoríficas e calefacción e 1ºCS de eficiencia energética.


 

Lectura compartida. 1º CS de Automoción. Cómo feminizar el sector del metal. María Fabra. El País

Lectura compartida. 1º CS mantemento aeromecánico de avións: O contador de estrelas

Lectura compartida. 1º CM Actividades Comerciais: Presencia

Lectura compartida. 1º CM de actividades comerciais: La vaca púrpura

Lecturas compartidas. 1º CM Actividades Comerciais: El hombre que no quería olvidar

Lectura compartida. 2ºCS de Mantemento aeromecánico de avións: Flight to arras

martes, 19 de abril de 2022

Lectura compartida 1º CS Vendas polo día do libro: La dependienta.



 DÍA INTERNACIONAL DO LIBRO 2022

Con motivo da celebración do día do libro o 23 de abril, este ano alumnado e profesorado de todas as familias profesionais do CIFP As Mercedes colaboraron coa selección de textos e a lectura compartida dos mesmos... 

Ao longo desta semana iremos compartindo os videos destas lecturas...


jueves, 20 de enero de 2022

Novos fondos na biblioteca



 Algunhas das novidades chegadas a biblioteca...

Despois de atedender as suxestións que nos chegaron para a adquisición de novos fondos para a biblioteca estas son algunhas das novidades que xa podedes coller para ler...